CHEV - NEWS

Handballzeitung N°5

Haut den Owend steet fir eis Dammen géint den HB Esch an eis Häeren géint den HB Diddeleng 2 weider Héem-Mätch um Programm. Mir géifen eis frée'en, wann Dir eis Equipen géift kräftig ënnerstëtzen kommen. Fir dësen Mätch hun mir och nees eis traditionell Handballzeitung am Online-Format.

Mir soën all eisen Sponsoren villmols MERCI fir hier Ënnerstëtzung.

Handballzeitung vum 23.10.2021

Auslousung Coupe de Luxembourg

En Donneschdeg war d'Auslousung vun den 1/4 Finallen vun der Loterie Nationale Coupe de Luxembourg an der Maison des Sports zu Stroossen. Eis Dammen kréien ët an der 1/4 Finale an eiser Sportshâl mam HB Diddeleng ze din. Gespillt gët den Mätch den Weekend vun 07-09 Januar 2022.

Weider Mätcher an den 1/4 Finallen vum CHEV sin:

Standard - CHEV U15 Garçons

Red Boys - CHEV U17 Garçons

Eis U21 Garçons, U17 Filles an U14 Filles sin direkt fir 1/2 Finallen qualifizéiert.

Formatioun SBO/Chrono

Mir maachen een Opruff, fir eis bei den Mätcher als Chronométreur oder beim SBO (Spielbericht Online - Laptop) eng Hand mat unzepaaken. Et ass fir eis nët méiglig, gläichzäiteg op méi Mätcher dës Aufgab ze iwwerhuelen. Mir géifen eis frée'en, wann mir do vun eisen Memberen an Elteren vun eisen Jugendspiller(innen) géifen ënnerstëtzt gin.

Fir dëst duerfen ze maachen, bidd d'FLH eng Formatioun un, déi ongeféier 2,5 Stonnen dauert. Duerno kritt dir och vun eis all néidig Hëllef, wann nach Froën bleiwen.

• Samschdes, den 30.10.2021 um 09h30 Sall 4 op Lëtzebuergesch

• Donneschdes de 04.11.2021 um 19h00 Sall 1 op Lëtzebuergesch

• Samschdes, de 06.11.2021 um 09h30 Sall 1 op Franséisch

D’Formatioun ass an der Maison des Sports, 3 route d’Arlon zu Stroossen.

Umeldung an Informatioun iwwert eis E-Mail office@chev.lu.

Neit Covid-Gesetz

Mir hun di nei Direktiven fir de Sport kritt ab dem 19. Oktober

Et ass esou, datt ab dem 19. Oktober keng SCHNELLTESTER méi virun de Matcher könne gemach gin. Et heescht also, datt all Spiller / Spillerin / Trainer / Offiziellen just mam Zertifikat geimpft – geheelt – an negativen certifizéiertem Test mat engem QR Code op de Match ka kommen.

Fir allen Leit Zäit ze gin, sëch impfen ze loossen oder sëch Tester durch agreéiert Persounen an der Zukunft machen ze loossen, hu mir beschloss, fir bis Enn 2021 Tester FREIDES Owes 20.00Auer an der Hâl vun der Nouvelle Ecole Primaire Stehresplaz zu Dikrich unzebidden.

Dësst ass ë groussen Opwand un administrativer Arbicht. Dofir wären mir frouh, wann dir iech umellt an natirlech ass och all Hëllef Wëllkomm.

Infoen per mail op :office@chev.lu oder GSM 621 319 341 Jacquy LINK.

Fir eis Zuschauer sin Schnelltester op der Plaaz nach bis den 31.10. méiglig.

Nächsten TEST : 22.10.2021 - 20.00 Auer

Tournoi U11 Mixtes

Haut den Moien waren eis U11 Mixtes um Tournoi an der Coque. Mat ganz vill Begeeschterung an Freed hun si gespillt an gudd Mätcher gemaach.

Handballzeitung

Haut den Owend steet fir eis Häeren géint Red Boys een weideren schwéieren Héem-Mätch um Programm. Mir géifen eis frée'en, wann Dir eis Equipe géift kräftig ënnerstëtzen kommen. Fir dësen Mätch hun mir och nees eis traditionell Handballzeitung am Online-Format.

Mir soën all eisen Sponsoren villmols MERCI fir hier Ënnerstëtzung.

Handballzeitung vum 10.10.2021

90er Party @ Al Seeërei

Den 2. Oktober huet den CHEV Handball zesummen mat Good Times Luxembourg an der Aler Seeërei eng grouss 90er Party mat 1200 Leit gefeiert.

Een groussen MERCI allen Frënn, Memberen an Spiller(innen), déi eis virum, während an nom Event ënnerstëtzt hun an eng kräfteg Hand mat ugepaakt hun.

Supporter-Kaart

Ewéi déi letzt Joëren schons, proposéieren mir eisen Memberen eng Supporter-Kaart fir all Championnats-Mätcher vun eisen Dammen an Häeren an der Dikricher Sportshâl ze kucken.

Den Präis vun der Supporter-Kaart ass 100 €.

Dir könnt d'Supporter-Kaart ganz einfach per E-Mail op office@chev.lu bestellen an eng Iwwerweisung op den CHEV Konto vun der BCEE LU46 0019 3000 0359 2000 maachen.

CHEV-Masken

Eis CHEV-Handball-Masken sind ukomm. D'Masken gët ët an den Gréissten S - M - L - XL.

Präisser: 1 Mask: 6 € - 2 Masken: 11 € - 4 Masken: 20 €

Dir könnt se bequem bestellen per E-Mail op office@chev.lu oder beim Jacquy GSM. 621 319 341.

Bezuelen ass méiglig per Digicash.

Carte Client ASPORT

Mir maachen nachemol een Opruff un eis Memberen, Elteren vun Spiller(innen) an Frënn vum CHEV Handball, fir eis d'Nummer vun Äerer Clients-Kaart am ASPORT matzedeelen. Heimat könnt dir den CHEV Handball bei all Akaaf am ASPORT ënnerstëtzen, andeems mir Prozenter gudd geschriwwen kréien.

Dir könnt eis d'Nummer ganz einfach per E-Mail op office@chev.lu mailen.

Partenariat ARAL

Mir hun mat ARAL een Partenariat oofgeschloss, wou mir pro getankten Liter en puer Cent op den CHEV-Konto iwwerwisen kréien. Heivir zielen mir op all eis Spiller, Supporter, Elteren an Frënn vum CHEV-Handball, fir eis do ze hëllefen.

Heivir könnt dir bei engem Comités-Member oder per E-Mail op office@chev.lu ufroën, fir den Formular fir eng Routex-CHEV-Kaart ze kréien. Dës Routex-Kaart funktionnéiert ewéi eng VISA-Kaart an gët 1x den Mount vun äerem Konto oofgebucht.